Jab Mann Kare Ki Sab Kuchh Chhod Dene Ka To Kya Kare
Kya aaj aapka kaam karne ka mann bilkul hi nhi kar rha hai? Na kuchh likhne ka mann ho raha, na kahi ghumne ka, aur na hi kisi se baat karne ka? Body puri tarah se thak chuka hain, mann udas hai, aur lagta hai bas aaj kuch bhi na karun, akela bed par padha rahun aur koi mujhe disturbe na kare.
Ye keval aap ke sath hi nhi hota hai. Har Insaan ke life me yese din aate hai. Jab motivation khatm ho jata hai, energy zero hoti hai, aur mann andar se tut chuka hota hai.
Par yese dino me aape aap ko kaise sambhale? Kya sahi me kuch na kare? Ya kuch aisa kare jo hume wapas balance me la sake?
Chaliye aaj isi topic par baat karte hai – bina guilt feel kiye aur bina pressure ke.
1. Khud Ko Samjho Aur Samjhau, Dabau Nahi
Sabse pehla step hai swikar karna – ye maan lena ki har din productive nahi ho sakta hai. Kabhi kabhi hum emotionally ya mentally thak aate hai. Ya ho sakta ki pichhle dino kuchh jyada kaam ho gya ho ya kuchh baato ne hame andar paresa kar diya ho.
Apne aap se kahna sikhiye:
- Main thoda ruk sakta hoon. Main insaan hoon machine nahi. Mera thak jana normal baat hai.-
Aapne aap par gussa hone se aap aur zyada demotivated ho jauge.
2. Kewal 5 Minute Ke Liye Kaam Start Kijiye
Mann nahi lagta to pura din kharab kar dena sahi nahi hai. Ek chhoti trick try kijre – 5 Minute Rule
Bas itna sochiye:
“Main sirf 5 minute kaam karunga, phir chhod dunga.”
Jaise hi aap kaam karna shuru karte hai, Mind ek flow me aane lagta hai. Mood thoda better feel karta hai. Hosakta ha ki aap 5 se 20 minute tak kar paye ya pura kaam bhi ho jaye.
3. Kaam Ko Chhota Najar se Dekho
Jab mann nahi karta, toh bada kaam aur bhi bhaari lagta hai. Isliye apne kaam ko chhote kaam me divide karo.
Jaise:
1. Poora report banana → Sirf ek report banana
2. Ghar saaf karna → Sirf ek room saaf karna
Chhoti-Chhoti jeet se confidence badhta hai – aur motivation apne aap aajata hai.
4. Apne Environment Ko Change Karo
Kabhi-kabhi mann ki bechaini kewal jagah ki wajah se bhi ho sakti hai. Ek hi jageh par kaam karte-karte dimaag kharab hone lagata hai.
Try kare:
1. Apna kaam ka tarika change karo
2. Khule jagah par kaam karo
3. Soft music suno jo tumhe pasand ho
Chhota sa badlav bada farak laati hai.
5. Physical Movement Karo
Aalas aur heavy mood ko todne ka sabse asaan tarika hai – physical movement.
Kuch bhi karo:
1. 15 minute walk
2. Stretching
3. Thora yoga
4. Gahari Saas le
Jab body activate hoti hai, to mind bhi refresh feel karta hai. Hormones release hote hain jo mood ko thik karte hai.
6. Apne ‘Why’ Ko Yaad Karo
Kabhi apne aap se poochhiye –
“Main yeh kaam kyun karta hu?”
Aapka sapna kya hai? Family ka support? Self respect? Freedom?
Aapka reason jitna strong hoga, utna jaldi aap track par vapas auge.
7. Thora Break Lo
Agar aaj sahi me kamm karne ka mann nahi hai, to break lena galat nahi. Lekin pura din movies dena ya kuchh bhi nahi karna ye thik nahi hai.
Break lete time decide karo:
1. Main 30 minuteske baad wapas kaam karuga
2. Main sirf ek episode dekhunga
3. Main 15 minute rest lunga
Break lene ke baad wapas kaam par aana hi asli discipline hai.
8. Apne Mann Se Dosti Karo
Mann ko dushman mat samjho. Jab mann kaam nahi karna chahta, toh wo kuch kehna chahta hai. Shayad rest chahiye, ya attention chahiye. Uski baat suno, usse ladho mat.
Mann se dosti karoge, toh kaam bhi asaani se hoga.
Conclusion:
Kaam nahi karne ka maan hamesa hoga. Par yaad rakhiye – har baar motivation ke bharose mat rahiye. Kabhi-kabhi discipline, self-respect, aur chhoti planning se bhi kaam ho jaata hai.
Aaj agar kaam ka mann nahi, toh:
1.Thoda ruk jao
2. Thoda chhota socho
3. Thoda physical movement karo
Aapka Experience?
Aap yese din ko kaise handle karte hai? Comment karke hame bataye.
Ho sakta hai ki aapka ek idea kisi dusre ki help kar de.
Khud Ko Jeeto – har din nahi, par har mushkil me thoda jeetna hi toh asli jeet hai.