Apne Aap Ko Positive Banana Seekhe
Kya aapne kabhi apne aap se akle me bat kiya hai kya? Iska jabab haan hi hoga. Par kya aap kabhi sochte hain ki ye baate aapke confidence par effect daalti hai?
Self-talk kya hai- apne aap se baat karna, ek yesi chhupi hui sakti hai jo aap ke dimaag ko motivate karti hai ya demotivate. Agar aap ye seekh jaaye ki kaise positive self-talk ka use kare, to aap apna confidence level ko kai guna badha sakte hai. Aaiye hum jaante hai Iske Tips:
1. Apne Aap Se Dost Ki Tarah Baat Kijiye
Jab aap kabhi galti karte hai, kya aap khud ko daante hai? Sochiye agar aapka dost wahi galti karta hai to aap usko kya kahte?
Khud se baat karte samay apne aap ko samjhaye, support de, jaise aap kisi khas dost ko dete.
Self-talk idea:
"Galti sabse hoti hai, main sudharne ki koshish kar raha hoon, aur main kar paunga."
2. Negative Baaton Ko Positive Me Change Kar Dijiye
Jab aap ka mind kahe ki main ye kaam nahi kar sakta hu to usi moment me mind se turant positive sochne ki kosish kare.
Self-talk idea:
“Main seekh raha hoon. First time hai, aur mai try karunga – mujhe apne upar bharosa hai.”
Yeh chhoti self-talk aapke andar se ek nayi sakti bhar deti hai.
3. Roz Subah Positive Bolna Shuru Kijiye
Subah uthkar aapne aap se 10-12 positive baat boliye. Isse aapka subconscious mind confident feel karega.
Kuch Positive Baate:
1. Main capable hoon.
2. Main har challenge ko face kar sakta hoon.
3. Main har din behtar ban raha hoon.
4. Main confident hoon, aur mujhe apne aap par vishwas hai.
4. Apne Achhe Kaam Ko Yaad Karo – Khud ko Appreciation
Roz apne 1-2 achhe kaam likhiye. Jab aap apni success pe focus karte hai to confidence apne aap badhta hai.
Self-talk idea:
“Aaj maine apne comfort zone se bahar nikal kar baat ki – Yahi hamari jeet hai.”
5. Jab Dar Lage – Tab Self-Talk Powerful Banti Hai
Sabse important time self-talk ka hota hai jab aapko dar lagta hai – interview se pehle, stage pe jaane se pehle ya decision lene se pehle.
Self-talk idea:
“Dar sabko lagta hai, lekin main sahas ke saath aage badh raha hoon. Mujhe khud par vishwas hai.”
Conclusion:
Self -talk ek yesi habit hai jo aap ko best dost ya dusman bana sakti hai – decision aapke haath me hai. Daily aap 5 minute apne aap se achhi baat karne ki aadat daale, aur dekhiye kaise aapka confidence ek naye level par pahunchta hai.